Էթնիկ պատկանելություններն աշխարհում (բետա)

Մարդիկ, ինչպես կարծվում է, առաջին անգամ Ամերիկա են ժամանել մոտ 10,000 տարի առաջ՝ Ասիայի և ժամանակակից Ալյասկայի ու Կանադայի միջև եղած ցամաքային կամրջի միջոցով։ Բնիկ ամերիկացիները սերում են նախակոլումբոսյան բնակչությունից, որը հետագայում բնակություն է հաստատել Ամերիկայում։ Բնիկ ամերիկացիների մեծ մասը որսորդ-հավաքողներ էին՝ ապրելով սոցիալապես և մշակութապես բարդ համայնքներում՝ ուժեղ անիմիստական և շամանիստական կրոնական ավանդույթներով։ 1500-ականներից սկսած եվրոպական գաղութատիրական ընդլայնումը դեպի Ամերիկա բնիկ ամերիկացիներին շփման մեջ դրեց եվրոպացիների հետ և հանգեցրեց բազմաթիվ բնիկ ամերիկյան խմբերի բնաջնջմանն ու տեղահանմանը՝ անծանոթ հիվանդությունների (ինչպիսին է ջրծաղիկը) և հողային վեճերի պատճառով, որոնք հաճախ վերածվում էին պատերազմի։ Թեև բազմաթիվ բնիկ ամերիկյան ցեղեր և մշակույթներ պահպանվել են մինչև մեր օրերը – դրանցից մի քանիսը այժմ կազմակերպված են որպես կիսաինքնավար ազգեր – սակայն շատ ցեղեր լայնածավալ ավերածություններ կրեցին։ Այսօր բնիկ ամերիկյան ծագում ունեցող մարդիկ հաճախ կարող են իրենց ժառանգությունը հետագծել տարբեր բնիկ ամերիկյան ցեղերի և խմբերի մոտ, և շատ բնիկ ամերիկացիներ նաև խառը էթնիկ պատկանելություն ունեն՝ եվրոպական կամ աֆրոամերիկյան ծագումով։ Բնիկ ամերիկյան մշակույթների ժառանգությունը շարունակում է արձագանքել ողջ մայրցամաքում, քանի որ բազմաթիվ տեղանուններ սկիզբ են առնում տարբար բնիկ ամերիկյան լեզուներից։ Նոր Աշխարհի մշակաբույսերը, որոնք բնիկ ամերիկացիները ներկայացրել են եվրոպացիներին – ինչպիսիք են կարտոֆիլը, լոլիկը և եգիպտացորենը – այժմ լայնորեն սպառվում են ամբողջ աշխարհում։